I S O S T A S Y

Mae’r ffilm fer artistig hon yn cyd-daro â 120 o flynyddoedd ers i Edgar Evans o Rosili hwylio ar y Discovery gyda Chapten Scott ar ei fordaith gyntaf i Antarctica. 

Cerys Matthews, y gantores a’r gyflwynwraig ar BBC 6, sy’n lleisio’r ffilm farddonol, ffilm sydd wedi’i hysbrydoli gan y fordaith a chan gyflwr y cyfandir mawr gwyn heddiw. Mae Antarctica yn wynebu cyfnod tyngedfennol oherwydd y newid yn yr hinsawdd, ac mae’r ffilm yn cwestiynu ac yn herio’r modd y mae ein gweithredoedd ni fel pobl yn effeithio ar yr amgylchedd. 

Yn ffrwyth cydweithio unigryw rhwng Simon Clode, y gwneuthurwr ffilmiau o Gymru, a Marc Rees, yr artist amlddisgyblaethol, mae I S O S T A S Y yn myfyrio am hanes cyffredin ein planed, ac am ei dyfodol. Mae’n cynnwys arteffactau prin o Amgueddfa Abertawe (storfa’r amgueddfa yw’r prif leoliad); recordiadau o’r maes gan Chris Watson, recordydd sain David Attenborough; a geiriau Philip Hoare, yr awdur nodedig a’r arbenigwr ar forfilod. 

“Ymateb yw ISOSTASY i argyfwng anweledig, mor anweledig â’r morfil. Welwn ni ddim mo’r anifail mwyaf ar y blaned, ac yn yr un modd, rydyn ni’n anwybyddu ein cyfandir mwyaf sydd heb bobl. Mae angen inni ddangos y gwirionedd.” - Philip Hoare  

Bydd I S O S T A S Y yn cael ei ddangos am y tro cyntaf ar BBC2 Cymru am 11.15yn ar 5ed o Awst ac wedyn ar iPlayer o’r 6ed